Nga Spitali Villa Maria
Apendesiti është një inflamacion akut i një divertikuli të vogël në pjesën fillestare të kolonit (apendiks). Origjina e inflamacionit është një obstruksion ose bllokim i divertikulit, i përbërë nga inde limfatike dhe nga ngushtimi i diametrit të brendshëm. Obstruksionin mund ta shkaktojnë gurët biliarë, parazitët intestinalë, neoplazitë etj. Zmadhimi i folikujve limfatikë shoqërohet me infeksion.
Simptomat
Simptomat mund të jenë të menjëhershme ose kronike. Më e hasur është dhimbja abdominale ku në pak orë mund të intesifikohet si dhimbje dhe të spostohet në regjionin inferior të krahut të djathtë të abdomenit. Edhe presioni më i lehtë mund të shkaktojë dhimbje. Në raste të tjera dhimbja është më pak intensive dhe vazhdon për disa ditë. Shoqërohet me temperaturë, nauze, të vjella, diarre dhe dhimbje në këmbën e djathtë. Inflamacioni shkakton çarjen e folikujve limfatikë dhe përhap infeksionin në pjesën abdominale të peritonit me zbehje, djersitje, temperaturë, dhimbje barku; në disa raste me rezultat letal.
Diagnostikimi
Diagnostikimi bëhet i menjëhershëm nga analizimi i simptomave dhe ekzaminimi direkt në abdomen. Analizat e gjakut mund të tregojnë ndonjë infeksion të mundshëm, kurse echografia mund të përjashtojë patologji të tjera.
- Për më shumë informacion dhe rezervime:
- Tel.: +355 (0) 42 40 80 20
- Mob.: +355 (0) 69 40 56 150 / +355 (0) 69 40 56 151
- Spitali Villa Maria, Tiranë – dedikuar shëndetit dhe cilësisë së jetës!
