Përshtati në shqip për gazetën “Shëndet+”: Blertina Koka
Në vitin 2013, fotografja 30-vjeçare Mihaela Noroc la punën e saj në Rumani për të nisur një udhëtim të gjatë rreth botës.
Që atëherë, ajo ka vizituar rreth 50 shtete në të gjitha kontinentet, përveç Antarktidës. Gjatë vizitës së saj nëpër këto shtete, ajo ka fotografuar qindra femra për realizimin e projektit të saj, të quajtur “Atlasi i bukurisë”.
“Më shumë se kurrë, unë mendoj se bota jonë ka nevojë për një atlas bukurie për të shpjeguar se diversiteti është diçka e bukur, nuk është një arsye për konflikt”, shprehet Noroc.
“Shpresoj se portretet nga ‘Atlasi i bukurisë’ mund të sfidojnë shumë keqkuptime që ekzistojnë në mbarë botën”.
Aftësia e saj për të zotëruar pesë gjuhë të ndryshme e ka ndihmuar të flasë me njerëz të ndryshëm në rrugë ose në shtëpitë e tyre, edhe pse nganjëherë i është dashur të komunikojë me gjuhën e shenjave.
Aktualisht po mbledh fonde për të vazhduar udhëtimin e nisur, dhe shpreson që deri në vitin 2017 të ketë mjaftueshëm foto për të publikuar një libër.
Australi
Brazil
Britani
Deti Baltik
Etiopia
Ekuador
Kaliforni
Kili
Kolumbi
Nju Jork, SHBA
Indonezi
Burimi: Business Insider / https://shendeti.com.al/
