Kjo është një nga ato pjata që duhen provuar patjetër. Përveçse e shijshme është dhe e shpejtë në përgatitje. Mjafton ti fusësh në tavë të gjithë përbërësit dhe rezultati është mëse i kënaqshëm. Zakonisht kjo pjatë përgatitet në ditët e ftohta, e shoqëruar me një gotë verë të kuqe, por gjithsecili është i lirë ta përgatisë kur të dojë.
Përbërësit:
- 1 kg brinjë derri
- 500 gram patate
- 2 dega rozmarinë
- 2-3 thelpinj hudhër
- 4-5 lugë vaj ulliri
- Pak kripë të trashë
Përgatitja
Qërojmë patatet. I lajmë dhe i presim në copa. Marrim një tavë dhe hedhim mbi të pak kripë të trashë. Sipër vendosim patatet dhe brinjët e derrit, të cilat duhet të jenë të prera.
Shtypim pak thelpin hudhre dhe i vëmë mbi to. Marrim rozmarinën dhe e shpërndajmë mbi patatet dhe mishin. I spërkasim me vaj ulliri.
Tavën e fusim në furrë të nxehtë 220 gradë përreth 50-60 minuta. Ndërkohë i kontrollojmë dhe i kthejmë hera-herës.
Pasi piqet, e hedhim mishin dhe patatet në pjata dhe i shërbejmë të ngrohta me pak piper të grirë sipër (sipas dëshirës).
Ju bëftë mirë!
