Përshtati në shqip: Blertina Koka
Teprimi me sheqerin ka më shumë efekte negative sesa thjesht shtimi në peshë, thonë ekspertët. Sheqeri është iniciuesi i shumë sëmundjeve që mund t’ju prekin me kalimin e moshës.
Nëse përfshihet shumë sheqer në ditën ushqimore, ai absorbohet nga zorra e trashë dhe shkon nëpërmjet qarkullimit të gjakut drejt dhe në mëlçi.
Mëlçia është organi i vetëm që mund ta metabolizojë këtë fruktozë molekulare. Fruktoza pengon funksionin e mëlçisë për ta metabolizuar atë, dhe nuk ka mundësi tjetër veçse tepricën e sheqerit ta konvertojë në dhjamosje të mëlçisë.
Profesori i Endokrinologjisë tek Universiteti San Francisko, Robert Lustig, thotë se kanë të dhëna që tregojnë se kur fillon të dhjamoset mëlçia, fillon të shfaqet rezistenca ndaj insulinës, e cila bëhet shkak për zhvillimin e sëmundjeve të zemrës, mëlçisë së dhjamosur dhe fenomenin e quajtur sindroma metabolike.
Sindroma metabolike karakterizohet nga dhjami përreth belit, yndyra përreth organeve të brendshme dhe humbja e masës muskulore. Ajo përfshin probleme të tilla shëndetësore si diabeti i tipit 2, hipertensioni, nivelet e larta të triglicerideve, sëmundjet kardiovaskulare, kanceri ose demenca.
Një nga këto sëmundje të sindromës metabolike mund të shfaqen tek rreth 40% e njerëzve me peshë normale të trupit. Ndërsa rreth 80% e njerëzve mbipeshë mund të preken nga këto sëmundje.
Burimi: Bussiness Insider / https://shendeti.com.al/
