Nga kardiokirurgu Klodian Krakulli:
Ndër faktorët kryesorë që ndikojnë në sëmundjet e zemrës që më pas çojnë në infarkt, përmendim:
-Diabetin, i cili kohët e fundit është shtuar së tepërmi.
-Duhanpirjen, që në popullatën tonë është goxha e shpeshtë,
-Çrregullimet e ndryshme të yndyrnave
-Jeta joaktive, sedentariteti ndikon negativisht. Kësaj i bashkëngjitet dhe obeziteti. Të sëmurët që janë obezë kanë një prirje të lartë për t’u sëmurur nga sëmundja ishemike e zemrës.
Ka dhe një sërë faktorësh të tjerë, por këta janë faktorët e riskut madhor.
-Duhet theksuar edhe trashëgimia. Një person që ka në familje një të sëmurë me këtë sëmundje ka mundësi të lartë që të zhvillojë të njëtat probleme.
Kemi dhe valvulopatitë e ndryshme. Me valvulopati kuptojmë kur sëmundja prek një nga valvulat e zemrës. Kryesore janë valvula mitrale dhe valvula e aortës. Valvula e aortës ka një prirje më të lartë për t’u sëmurur me kalimin e viteve.
