Përshtati në shqip për “Shendeti.com.al”: Blertina Koka
Tabloidi britanik “Daily Mail” u bën thirrje të gjithë turistëve evropianë që duan të vizitojnë Shqipërinë dhe Kosovën të mos e pinë ujin e çezmës në këto shtete. Sipas “Daily Mail”, uji i çezmës në këto shtete është i papijshëm dhe mund të shkaktojë sëmundje të ndryshme, duke filluar nga diarreja dhe hepatiti A, deri tek sëmundja e tifos dhe kolera.
Prestigjiozja britanike ka publikuar një infografikë me shtetet evropiane ku uji është i pijshëm dhe i papijshëm. Në listën e shteteve ku nuk pihet uji ajo rëndit Shqipërinë të parën, pasuar nga shtete të tjera, si: Armeni, Azerbajxhan, Bjellorusi, Bosnje Hercegovinë, Bullgari, Kroaci, Qipro, Estoni, Gjerorgji, Hungari, Kazakistan, Kosovë, Lituani, Moldovë, Mali i Zi, Rumani, Rusi, Serbi, Sllovaki, Turqi, Ukrainë.
Ndërsa në listën e shteteve ku uji i çezmës është i pijshëm, ajo përfshin: Andorrën, Austrinë, Republikën Çeke, Danimarkën, Finlandën, Francën, Gjermaninë, Gjibraltarin, Greqinë, Irlandën, Italinë, Letoninë, Lihtenshtajnin, Luksemburgun, Maqedoninë, Maltën, Monako, Holandë, Norvegji, Poloni, Portugali, San Marino, Slloveni, Spanjë, Suedi, Zvicër, Britani, Vatikan.
Uji i çezmës në shtete si Shqipëri, Kosovë, Kroaci etj, sipas Daily Mail, jo vetëm që nuk pihet, por nuk duhet përdorur as për të larë dhëmbët, frutat apo perimet.
Ajo këshillon:
- Përpiquni të mos futni ujë në gojë kur laheni dhe përdorni sapun.
- Mos harroni që larja e dhëmbëve, e sallatës apo frutave janë burime të tjera potenciale të ujit të kontaminuar.
Burimi: Daily Mail / https://shendeti.com.al/
