Blerina Bombaj, dietologe
Të ekspozuarit në diell është burim jete! Një nga produktet e tij më të rëndësishme është aktivizimi i vitaminës D në 
organizmin tonë, e cila është përgjegjëse për shëndetin e kockave, trurit dhe imunitetin. Por, të marrit rreze dielli është e shëndetshme edhe për ndikimin që kanë ato në vetvete nëpërmjet ndërveprimit me qelizat tona të lëkurës. Ja disa nga efektet e tyre:
- përmirësim i gjendjes shpirtërore duke çliruar endorfinë
- mbrojtje nga simptoma të sklerozës së shumëfishtë
- çlirim të monoksidit të azotit NO, i cili mbron lëkurën nga rrezet e dëmshme dhe ndihmon elasticitetin e enëve të gjakut
- ndihmon disa sëmundje të lëkurës, si psoriaza, dermatiti
- çlirojnë melatoninë dhe kontribojnë në rregullimin e bioritmit nëpërmjet syrit, duke goditur retinën!
Përveç ekspozimit në orët e dëmshme të muajve të nxehtë, rrezet e diellit janë të çmuara!
Prandaj, mos ia kurseni vetes këtë ilaç që, për më tepër, është falas.
