Përshtati në shqip për “Shendeti.com.al“: Fize Smailaj
Shprehja që të gjithë përdorim kur bëhet fjalë për ushqimin është “ne jemi çfarë hamë”, që do të thotë se ushqimi që konsumojmë ndikon jo vetëm në fizikun tonë, por edhe në gjendjen tonë shpirtërore dhe psikologjike. Na bënë të jemi më pozitivë ose jo, na bënë optimistë, energjik ose jo, kjo varet nga regjimi ynë ushqimor.
Le t’i hedhim një sy dietës së një prej sportistëve më të suksesshëm të motoçiklizmit, Valentino Rossi. Ai është 9 herë kampion bote në motoçiklizëm pas fitoreve të vendeve të para në MOTO GP, me një karrierë gati 20 vjeçare në një sport ku maksimumi i viteve që mund të jesh aktiv është 7-8 vjet. Përveç punës së tij të palodhur, pas gjithë këtij suksesi një rol të rëndësishëm ka luajtur edhe dieta ushqimore. Ja cila është dieta aktuale e tij.
Mëngjesi:
- 2 vezë dhe 30 gr proshutë e skuqur
- 50 gr bukë
- kafe
Dreka:
- 100 gr makarona, të përgatitura me një lugë vaj ulliri, 80 gr peshk të freskët Ton, dhe 80 gr bizele.
- 200 gr perime të pjekura me një lugë vaj ulliri
- 1 frut
- ujë
Vakti i ndërmjetëm:
- një fetë buke me 30 gr proshutë
- ujë
Darka:
- 300 gr biftek i gatuar në tigan, me një lugë vaj ulliri
- 40 gr patate të skuqura
- një frut
- ujë
