Kryefaqja Dieta Dietat më të mira për humbje në peshë, sipas ekspertëve

Dietat më të mira për humbje në peshë, sipas ekspertëve

0
Shpërndaje

Kthimi i faqes së kalendarit në një vit të ri është shpesh një sinjal se është koha për një fillim të ri, dhe kjo nuk është ndjerë kurrë më e mirëpritur se në vitin 2022. Shumë njerëz janë vaksinuar kundër COVID-19 dhe mezi presin të dalin jashtë pak më shumë se në vitin e kaluar. Të ndihesh pak më rehat për të qëndruar i sigurt do të thotë gjithashtu se mund ta kthesh energjinë mendore drejt shëndetit të përgjithshëm.

“Ngrënia e një diete të pasur me lëndë ushqyese mund të na bëjë të ndihemi më mirë dhe më energjikë, dhe të kuptojmë se po ndërmarrim disa hapa drejt një jete më të shëndetshme”, thotë dietologia Amanda Beaver, nga Houston Methodist Wellness Services.

“Gjëja më e rëndësishme që duhet bërë kur adoptoni një dietë të re është t’i bëni vetes këto pyetje: A është e qëndrueshme? A ndalon disa ushqime, duke përfshirë të preferuarat tuaja? A mund ta mbani këtë dietë? Një panel dietologësh kanë zgjedhur disa nga dietat më të mira. Këtu janë rekomandimet e tyre për t’u marrë parasysh.

Dieta mesdhetare: Bazuar në stilin e jetës së shëndetshme për zemrën e Greqisë, Italisë, Spanjës dhe Portugalisë, dietat e stilit mesdhetar përfshijnë yndyrna të shëndetshme si avokado, vaj ulliri, arra dhe peshk të paktën dy herë në javë, shumë fasule, fruta, perime me gjethe, dhe drithëra të plota, madje edhe një gotë verë të kuqe cdo ditw. Mund të hani djathë me moderim, por kufizoni mishin e kuq në një ose dy herë në javë.

Dieta DASH: Dieta DASH do të thotë qasje dietike për të ndaluar hipertensionin. Dieta me përmbajtje të ulët të natriumit u krijua si një mënyrë për të ndihmuar njerëzit të kontrollojnë presionin e gjakut pa përdorur ilaçe, megjithëse disa libra e kanë përdorur atë si bazë për një dietë për humbje peshe. DASH thekson frutat, perimet, drithërat dhe produktet e qumështit me pak yndyrë ose pa yndyrë dhe kufizon yndyrat e ngopura dhe kolesterolin dietik.

Dieta Vegane: Duke shkuar një hap më tej se dieta tradicionale vegjetariane, veganët shmangin të gjitha produktet shtazore, duke përfshirë qumështin, vezët dhe mjaltin. Ndërsa shumë e zgjedhin këtë mënyrë jetese për arsye etike ose mjedisore, disa njerëz e shikojnë dietën vegane edhe për humbje peshe. Dhe me epokën e re të mishrave me bazë bimore, të bëhesh vegan është më e lehtë se kurrë.

Dieta “Flexitarian”: Në përkufizimin e saj më të thjeshtë është një kombinim i fjalëve “fleksibël” dhe “vegjetarian”. Ndërsa dieta vegane shkon një hap përtej vegjetarianizmit, dieta fleksitare e çon atë një hap prapa, shpjegon Dawn Jackson Blatner, nutricioniste dhe autore e Dieta Flexitarian. “Kjo është një dietë shumë pro-bimore, por ju jep fleksibilitet për të pasur një hot-dog në një park ose për të ngrënë pak mish gjeli,” thotë ajo. Nuk ka kufizime strikte të kalorive.

Dieta Fasting (agjërimi me ndërprerje): Ka disa mënyra të ndryshme për të bërë planin e agjërimit me ndërprerje: Disa njerëz hanë çfarë të duan 5 ditë në javë, më pas konsumojnë një dietë me shumë pak kalori (zakonisht rreth 500 kalori) në 2 ditët e tjera; të tjerët e kufizojnë ngrënien e tyre në një dritare 8-orëshe çdo ditë. Përshembull, ngrënia e ushqimit të pakufizuar ndërmjet orës 8 të mëngjesit dhe 16:00 dhe agjërimi për 16 orët e tjera./ Prevention

LËR NJË MESAZH

Please enter your comment!
Please enter your name here