Përgatiti për gazetën “Shëndet+”: Elena Beta
Eleminoni gjërat që ju shpërqëndrojnë: hapi i parë për t’u përqendruar është të reduktoni ose eliminoni gjërat që ju shpërqëndrojnë. Kjo është gjëja themelore që do t’ ju ndihmojë për të qëndruar të fokusuar. Nëse jeni të përqendruar në punën tuaj, por telefoni është kumbues, dikush është duke trokitur në derë, njerëzit janë duke folur me zë të lartë, e gjithë kjo zhurmë rreth jush, e bën shumë më të vështirë përqëndrimin.
Përqëndroni fokusin: 5 minuta kushtojini vëmendje vetëm një detyrë. Pastaj bëjeni 10, 15, 20. Ngadalë ndërtoni rrugën tuaj deri në 40 deri 50 minuta kohë fokus.
Bëni punët më të rëndësishme në mëngjes: ashtu si çdo gjë tjetër edhe energjia juaj, fokusi, janë në nivel më të lartë në mëngjes. Punët më të rëndësishme bëjini në mëngjes.
Kini gjithmonë një plan: Gjithmonë kini një plan, filloni ditën me shkrim se çfarë duhet të bëni kur keni nevojë për të bërë atë, çfarë ju duhet për ta arritur. Kur keni një plan, një orar, është shumë më e lehtë të qëndroni të fokusuar.
Pushoni: kur energjia juaj fillon të ulet, duhet ët filloni të pushoni. Pas pushimit, fokusi juaj do të jetë më i lartë sepse energjia do të jetë rritur.
Bëni këtë: punoni për 50 minuta dhe më pas bëni një pushim 10 minuta. Ndiqni atë me një tjetër 50 minuta punë dhe 30 minuta pushim.
