Shija është 1 nga 5 shqisat dhe na mundëson jeten! Është shqisa për të cilën shkenca ka zbuluar më pak. Shija është jo vetëm e komplikuar dhe kontradiktore por ajo është edhe misterioze.
Shija është një shkence subjektive. Disa njerëz kanë trashëguar gene të cilët, i bëjnë ata të perceptojnë shijen e disa ushqimeve, të neveritshme! Ndërkohë që ka edhe nga ata që quhen “Supershijues” dhe që kanë më shumë receptorë në gjuhën e tyre.
Shija fillon me sensacionin e një impulsi elektrik. Ajo është e lidhur ngushtë me nuhatjen. Të gjithë do ta keni vënë re se si mund të humbisni interesin për ushqim, qoftë edhe atë të preferuarin tuaj kur jeni me grip!
Njeriu deri sot ka evidentuar 5 shije: 4 klasiket -të ëmbël, të kripur, të thartë dhe të hidhur, dhe një më pak të njohur -umami- shija që karakterizon mishin dhe domatet. Mendohet se yndyra mund të përbëje një shije më vete, atë të gjashtën!/Blerina Bombaj, dietologe
