Përshtati në shqip për “Shendeti.com.al“: Blertina Koka
Jeni të bezdisur nga djersa? Në fakt ajo është arsyeja që ne vazhdojmë të ekzistojmë, përndryshe nxehtësia do të na kishte vrarë.
Sipas Vybarr Cregan-Reid, ekspert i mjedisit në Universitetin e Kentit, njerëzit nuk do të mund të mbijetonin pa djersitjen.
Në një artikull të publikuar tek revista “The Conversation”, ai shpjegon se si funksionon djersitja dhe pse është e rëndësishme për njeriun.
Shumë kafshë djersitin, por asnjë prej tyre nuk përdor një teknologji ftohjeje kaq të rafinuar dhe efikase sa njeriu.
Është e dukshme se ne jemi në gjendje të zhvillojmë më shumë stimuj intelektualë se çdo gjitar tjetër, megjithatë, çdo përdorues kompjuteri e di që fuqia kompjuterike është krejtësisht e padobishme nëse prishet sistemi i ftohjes.
Dhe kjo e bën ndryshimin. Aftësia për të ruajtur një temperaturë të qëndrueshme, në mënyrë që jo vetëm të mund të lëvizim, por edhe të mendojmë gjatë lëvizjes.
“Pa gjëndrat e djersës në lëkurë, të cilat punojnë për mbajtjen nën kontroll të temperaturës, ju nuk do të ishit këtu”, thotë Cregan-Reid.
Ndërkohë që luftoni me djersën gjatë ditëve të nxehta të verës, mendoni që aftësia e lëkurës për të djersitur është ajo që na mban gjallë.
Burimi: Daily Mail / https://shendeti.com.al/
