Përshtati në shqip për “Shendeti.com.al”: Fize Smailaj
Pirja e duhanit është më e dëmshme për personat që kanë kryer transplant organi krahasuar me pjesën tjetër të popullsisë.Ky është përfundimi që ka nxjerrë një studim i kohëve të fundit. Ata kanë 10% më shumë shanse se pacientët që nuk pijnë duhan të preken nga tumoret malinj, nga sëmundjet e zemrës dhe nga vdekja. Pacientët që kanë kryer transplant organi, pra kanë marrë një organ në trupin e tyre, duhet të jenë në vëzhgim të vazhdueshëm mjekësor, duhet të jenë të kujdesshëm me ushqimet dhe trajtimet e tyre sepse nuk duhet që organizmi ta refuzojë organin e ri dhe kjo është arsyeja se përse keta pacientë janë më të rrezikuar se të tjerët për tu prekur nga kanceret e ndryshëm, infeksionet dhe sëmundjet e zemrës.
Studiuesit vlerësuan 73 raste transplantesh, më së shumti u përqëndruan te transplanti i veshkave, zemrës, mushkërive dhe analizuan të dhënat mbi 6 rreziqet më të mundshme para ndërhyrjes kirurgjikale dhe 4 pasoja pas ndërhyrjes.
Burrat ishin 30% më të predispozuar ndaj fillimit të pirjes së duhanit krahasuar me gratë, gjithashtu njerëzit e rinj dhe të dobët mund ta fillonin atë ndërsa ata më të rritur dhe të shëndoshë jo.
Personat që filluan ose vazhuan të pinin duhan edhe pas ndërhyrjes, kishin 40% më shumë shanse për tu prekur nga sëmundjet e zemrës, 2.58 më shumë shanse për tu prekur nga tumore malinj, dhe 1.74 më shumë shanse për të vdekur në periudhën e rikuperimit pas operacionit.
Këshillohet që personat që do të kryejnë transplant zemre, mushkërie, veshke ose mëlçie duket të heqin dorë nga duhanpirja 6 muaj para operacionit.
Burimi: dailymail / shendeti.com.al
