Përshtati në shqip: Blertina Koka
Duhanpirja shkakton 1 në 10 vdekje në të gjithë botën, gjysma e të cilëve jetojnë në vetëm 4 shtete, Kinë, Indi, SHBA dhe Rusi.
Pavarësisht fushatave të shumta ndërgjegjësuese dhe politikave strikte për ndalimin e pirjes së duhanit, numri i konsumuesve është rritur gjithmonë e më shumë ndër vite.
Hulumtuesit shkencorë thonë se shkalla e vdekshmërisë nga duhani mund të rritet edhe më shumë duke qenë se kompanitë po targetojnë tregje të reja, sidomos në vendet në zhvillim.
Raporti ‘Global Burden of Diseases’, i publikuar tek revista mjekësore “The Lancet”, është bazuar tek të dhënat mbi konsumimin e duhanit në 195 shtete midis viteve 1990-2015.
Në raport thuhet se në vitin 2015 gati 1 miliard njerëz ishin duhanpirës të rregullt – një në 4 meshkuj dhe 1 në 20 femra. Krahasuar me vitet ’90, ka një rënie të numrit të përdorueve të duhanit, të cilët ishin në raportin 1 në 3 meshkuj dhe 1 në 12 femra. Megjithatë, me rritjen e jetëgjatësisë së popullsisë, është shtuar edhe numri i përgjithshëm i duhanpirësve, nga 870 milionë që ka qenë në vitin 1990.
Dhe numri i vdekjeve të lidhura me pirjen e duhanit – më shumë se 6.4 milionë në vitin 2015 – është rritur me 4.7% gjatë të njëjtës periudhë.
Burimi: BBC / https://shendeti.com.al/
