Përshtati në shqip për gazetën “Shëndet+”: Daniela Bardhi
Ecja dhe vrapimi janë dy lloje aktivitetesh fizike që ju ndihmojnë shumë të përmirësoni shëndetin e përgjithshëm e mbi të gjitha të bini në peshë.
Vrapi ka qënë dhe është një nga aktivitetet më të preferuara të njerëzve kur bëhej fjala për rënien në peshë. Ai sjell një sërë përfitimesh si: ndihmon në funksionimin e duhur të zemrës, rrit qëndrushmërinë, rrit sistemin imunitar etj. Por përveç përfitimeve, njerëzit që duan të bien në peshë duhet të kenë parasysh dhe efektet që ju sjell vrapi, sidomos kur janë shumë mbipeshë. Së pari nëse jeni shumë mbipeshë nuk duhet ta filloni aktivitetin tuaj direkt me vrapim sepse do t’ju kontraktojë muskujt dhe do t’ju japë dhimbje në nyje dhe muskuj. Gjithashtu mund t’ju rrise nivelin e sekretimit të kortizolit dhe për pasojë do t’ju japë ndjesi “mjergulle” dhe humbje përqëndrimi.
Ecja është një tjetër formë e aktivitetit fizik sepse ashtu si dhe vrapi ajo vë në lëvizje të gjithë muskujt e trupit, megjithëse me një intensitet më të ulët. Ecja përveç djegies së kalorive ju mundëson dhe relaksim, ndryshe nga vrapi. Për njerëzit që janë shumë mbipeshë do t’ju këshillohej që ta vazhdonin aktivitetin e tyre si fillim me ecje, gjysmë ore në ditë dhe gradualisht të fillojnë vrapin. / www.shendeti.com.al / Burimi: healthdigezt
