Praktikat e masazhit mund të jenë një ndihmesë e çmuar në trajtimin e celulitit gjithnjë kur shoqërohet me ndërhyrje të tjera dhe kryhet nga duart e kujdesshme të një specialist. Në përgjithësi, masazhi ka efekte nxitëse për sistemin qarkullues të gjakut, 
atë limfatik dhe atë nervor.
Vihet re edhe një rritje e fluksit të gjakut të venave, përmirësim i shkëmbimit të lëndëve dhe pastrim i pjesës që masazhohet. Edhe fundet nervore të lëkurës ngacmohen edhe shkaktojnë një ndjesi çlodhëse. Por ka edhe pasoja të tjera: masazhi shpejton dhe nxit procesin normal të zgjerimit të poreve, nxit prodhimin e yndyrës së lëkurës dhe të djersës , duke përmirësuar procesin e eliminimit të lëndëve të dëmshme në lëkurë.
Rritja e temperaturës në zonën që i nënshtrohet masazhit, nxit edhe djegien e lëndëve organike, duke përmirësuar përvetësimin e lëndëve ushqyese dhe eliminimin e mbeturinave. Masazhi duhet bërë shpesh dhe disa herë në javë./Shëndet+
