Një recetë për ëmbëlsirë të freskët dhe të shijshme, tortë me fruta dhe krem pastiçerie e përshtatshme për çdo rast.
Përbërësit për ëmbëlsirë më fruta dhe krem pastiçerie
- 300 gr brumë të shkrifët
- 250 gr krem pastiçerie
- 70 gr luleshtrydhe
- 1 babane
- 2 kivi
- 1 portokall një mollë
Përgatitja e ëmbëlsirës
Pasi kemi përgatitur brumin e shkrifët (brumë fjolla) e lëmë të pushojë në frigorifer për 30 min. Ndërkohë vazhdojmë me përgatitjen e kremit të pastiçerisë. Pasi brumi ka pushuar, e marrim dhe e hapim në madhësinë e tavës pa përdorur miell shtesë. E shtrojmë në tavë dhe e pjekim në temperaturën 180 gradë për reth 20 min.
Pasi është pjekur dhe është ftohur i shtojmë sipër kremin e pastiçerisë të ftohtë. E hapim mirë në të gjithë sipërfaqen. Në hapin tjetër lajmë dhe qërojmë frutat. I presim në copa të vogla dhe i rendisim sipër ëmbëlsirës. Tek portokalli duhet të marrim vetëm pjesën e brendshme.
Sipas dëshirës për më shumë shkëlqim mund ta lyeni me xhelantinë ushqimore. Ju bëftë mirë!
