Denisa Canameti
Përdorimi pa kriter i pomadës ose kremit me përbërje kortizoni tek aknet është kthyer në një shqetësim të madh për 
dermatologët. Këta të fundit po përballen çdo ditë me raste të shumta ku pacientët shkojnë dhe konsultohen me farmacistët e ku këta të fundit japin mjekimet e gabuara. Mjekime që, siç thonë dermatologët, jo vetëm që acarojnë lëkurën e përdoruesve, por edhe rrisin shkallën e vështirësisë së trajtimit të rastit.
“Njerëzit përsërisin gjithmonë të njëjtin gabim, shkojnë te farmacisti pa ardhur tek mjeku specialist. Kjo është e gabuar, dhe ata e kuptojnë gabimin kur fytyra u acarohet dhe gjenden pa rrugëzgjidhje”, shprehet dermatologia Blerta Gjoni. Mjekja kërkoi që ta ngrinte këtë problem në mënyrë që të sensibilizojë të gjitha vajzat e reja, që të tmerruara nga aknet në fytyrë, zgjedhin rrugën më të shkurtër: farmacistin.
