Përshtati në shqip për gazetën “Shëndet+”: Blertina Koka
Një foshnje e seksit femër ka lindur me gjendjen më të rrallë në botë, pa lëkurë. Gjendja, e quajtur Harlequin Ichthyosis, klasifikohet si një sëmundje gjenetike që deformon shtresat e lëkurës duke krijuar pllaka dhe të çara që kërkojnë trajtime të vazhdueshme. Vajza është lindur nga një 23-vjeçare nga India.
Sipas pediatrit Yash Banait, e sapolindura ka nevojë për një trajtim të vazhdueshëm për të zbutur sipërfaqen e jashtme të trupit. Ajo po trajtohet me vazelinë dhe vaj kokosi, ndërsa në ushqimin e saj janë futur përbërës specialë që ndikojnë në formimin e lëkurës.
‘Harlequin Ichthyosis’, prek rreth 1 fëmijë në 300,000 lindje. Dr Yash Banait tha se të lindurit me këtë sëmundje nuk kanë fare lëkurë. “Fëmija nuk ka vështirësi me frymëmarrjen dhe gjendja shëndetësore është e qëndrueshme”.
Sipas ‘The Indian Express’, foshnja ka lindur me dy vrima të vogla në hundë dhe pa veshë. Prindërit nuk kanë të ardhura financiare për të përballuar trajtimin e sëmundjes së rëndë. Foshnja peshon 1.8 kg dhe është fëmija i parë i çiftit.
Burimi: Mirror / https://shendeti.com.al/
