Përgatiti për gazetën “Shëndet+”: Elena Beta
Një çift në Kinë ka bërë apel për ndihmë, pasi foshnja e tyre (mashkull) lindi me 15 gishta duarsh dhe 16 këmbësh.
Vogëlushi është vetëm 3 muajsh dhe vuan nga një sëmundje kongjenitale e quajtur polidaktilizm.
Vogëlushi ka 7 gishta në dorën e djathtë dhe 8 në të majtën, por jo gisht të madh.
Ndërsa në këmbë, ai ka 8 gishta në secilën këmbë. Prindërit e tij shpjegojnë se i druheshin faktit se i biri mund të lindte me një problem të tillë, pasi edhe nëna e tij ka një gisht më shumë në secilën këmbë dhe dorë.
Çifti, që jeton në provincën Hunan të Kinës, ka qenë në disa spitale për të gjetur një zgjidhje për djalin e tyre të vogël. Mjekët i kanë siguruar se mund t’i nënshtrohet një operacioni për heqjen gishtave të tepërt, pasi të jetë 6 muajsh. Duke qënë se operacioni është mjaft i shtrenjtë, ata u janë drejtuar internetit dhe shoqatave të bamirësisë për ndihmë.
Burimi: Dailymail/http://shëndeti.com.al
