Përshtati për gazetën “Shëndet+”: Blertina Koka
Një djalë i sapolindur, i cili klinikisht ishte shpallur i vdekur nga mjekët, u rikthye në jetë vetëm disa orë para se ta digjnin. 
Edhe pse ishte ruajtur në frigoriferin e morgut gjatë gjithë natës, i sapolinduri ishte akoma gjallë dhe duke qarë kur shkuan ta marrin për funeral. Doktorët thonë se nuk ka asnjë fjalë për ta përshkruar këtë “mrekulli”.
Sipas medieve kineze, djali kishte lindur dy muaj para kohe. I ati i tij tregon për mediat se djali kishte qëndruar në inkubator për 23 ditë, derisa doktorët vendosën të kthehet në shtëpi. Por, brenda dy ditëve djali u kthye sërish në spital pasi kishte probleme shëndetësore. Pas pak orësh zemra e tij pushoi së rrahuri dhe mjekët e deklaruan klinikisht të vdekur.
Fëmija ishte mbuluar me dy batanije dhe ishte vendosur tek frigoriferi i morgut të spitalit gjatë gjithë natës, ku temperatura ishte -120 C. Punonjësit e morgut mbetën të shokuar kur panë djalin duke lëvizur dhe qarë ditën tjetër. Doktorët thonë se po bëjnë gjithçka për ta mbajtur djalin të gjallë, ndërkohë që nuk kanë gjetur akoma një shpjegim shkencor në lidhje me këtë “mrekulli”.
Burimi: The Sun / https://shendeti.com.al/
