Përgatiti për www.shendeti.com.al
Rrushi i zi, i njohur për ngjyrën e errët dhe shijen e ëmbël, vjen i mbushur me ushqyes dhe antioksidantë. Kultivimi i këtij lloj rrushi daton 6000 deri në 8000 vjet më parë, duke u bërë fruti më i vjetër i kultivuar në Lindjen e Afërt dhe Evropë.
Një studim i bërë nga Universiteti i Miçiganit, sugjeron se konsumimi i rrushit të zi mund t’ju mbrojë kundër dëmtimeve të metabolizmit, rregullon presionin e gjakut, si dhe nivelin e lartë të sheqerit në gjak, redukton yndyrën e tepërt rreth belit. Resveratrol, një kompleks që gjendet në rrush, është i njohur për lehtësimin e rrjedhjes së gjakut duke përmirësuar qarkullimin e gjakut në trup.
Rrushi i zi përmban karotenoide, të njohura për të ndihmuar në ruajtjen e një shikimi të mirë. Sipas një studimi të publikuar në revistën “Biologji dhe Mjekësi”, rrushi mund të luajë një rol të rëndësishmë në parandalimin e verbërisë.
Rrushi i zi është antioksidant shumë efektiv në luftimin e të gjitha llojeve të kancerit, duke përfshirë kancerin e gjirit.
Një studim i bërë nga hulumtuesit në Universitetin e Qendrës së Kancerit në Kolorado, gjeti se konsumimi i vazhdueshëm i rrushit të zi mund të ndihmojë në parandalimin e kancerit të qafës së mitrës.
Vaji i farave të zeza të rrushit përmban antioksidantë dhe vitaminë E, që ndihmojnë në qarkullimin e mirë të gjakut në lëkurë e kokës, duke evituar humbjen e flokëve. Vaji i rrushit është i njohur edhe për përmirësimin e rritjes së flokëve.
Burimi: radianthealthtips / shendeti.com.al
