Përshtati në shqip për Shëndeti Online dhe Gazeta Shëndet+: Blertina Koka
Një paciente e sëmurë me kancer, e cila frymëzoi miliona njerëz me kërcimin e saj ndërsa ndodhej në spital, ka ndërruar jetë. Lajmi është bërë i ditur nga mediat amerikane, të cilat informojnë se Ana-Alecia Ayala ndërroi jetë mesditën e të mërkurës në një spital në Dallas, e rrethuar nga miqtë dhe familjarët.
Videoja e saj, ku shfaqet duke kërcyer me shoqen e kimioterapisë, Danielle Andrus, në një spital në Teksas, ndërkohë që ishte e lidhur me telat intravenoz bëri xhiron e botës përmes rrjeteve sociale në Facebook dhe Instagram, duke marrë më shumë se 9 milionë shikime.
Vajzat janë shumë të qeshura ndërkohë që kërcejnë nën tingujt e këngës “TZ Anthem”.
“Kush tha se kanceri dhe kimioterapia mund t’ju ligështojnë. Ne do të qeshim deri në fund”, shkroi Ana në faqen e saj në Instagram.
Ajo donte që t’i tregonte botës se “kërcimi dhe buzëqeshja” janë ilaçet më të mira.
Ana-Alecia u diagnostikua me një tumor të rrallë në mitër në dhjetor të vitit 2015. Më pas kanceri u përhap tek vezoret dhe pjesën e brendshme të stomakut.
Burimi: BBC / https://shendeti.com.al/
