Përshtati në shqip për gazetën “Shëndet+”: Blertina Koka
Djaloshi jashtëzakonisht i talentuar nga Kalifornia do të nisë vjeshtën e këtij viti studimet për mjekësi, edhe pse është vetëm 12 vjeç.
Tanishq Abraham është pranuar nga dy kampuse universitare për të studiuar inxhinieri bio-mjekësore. Ai shpreson që të bëhet doktor dhe shkencëtar kur të mbushë 18 vjeç. Ambiciet e tij nuk mbarojnë këtu. Ai shpreson që të bëhet një ditë president i Amerikës.
“Besoj se do të jem 18-vjeç kur të marrë Diplomën e Masterit”, shprehet Tanishq.
Djaloshi me origjinë nga India ishte vetëm 7 vjeç kur nisi kolegjin. Që atëherë ai është diplomuar nga Kolegji Amerikan në tri degë: matematikë, fizikë dhe një gjuhë të huaj.
Që foshnje ai ka treguar një interes të madh për leximin e librave dhe memorizonte gjithçka që lexonte dhe dëgjonte. Përveç dëshirës së madhe për të lexuar, Abraham pëlqen të luajë video lojëra si të gjithë fëmijët e tjerë. Ai ka mësuar gjithashtu të luajë në piano dhe është pjesë e një kori muzikor.
Abraham ishte vetëm 4 vjeç kur u bë pjesë e Mensa (shoqërisë së personave me koeficient të lartë inteligjence).
Burimi: Ibitimes.co.uk / https://shendeti.com.al/
