Përshtati në shqip për “Shendeti.com.al“: Blertina Koka
Edhe pse ka dyfishin e moshës së konkurrentëve të tjera, kjo nuk do të thotë që ajo është më pak e mirë se ato.
Ashtu si gjimnastet e tjera femra që janë bërë pjesë e Lojërave Olimpike Rio 2016, edhe 41-vjeçarja Oksana Chusovitina është e dobët, e shkathët dhe shpërthyese.
Chusovitina është gjimnastja më e vjetër që merr pjesë në lojërat olimpike dhe një ndër pretendentet për të marrë medalje. Ajo përfaqëson Uzbekistanin.
41-vjeçarja ka tërhequr vëmendje me trupin e saj elastik. Shumica e atletëve e arrijnë kulmin në adoleshencë ose rreth të 20-ve dhe dalin shpejt në pension.
Prandaj jetëgjatësia dhe mundësia për të qenë në top formë për 41-vjeçaren është e jashtëzakonshme. Mosha është vetëm një numër, thotë ajo.
“Në podium gjithkush është i njëjtë, si të jetë 40 ose 16 vjeç. Duhet të ndjekësh rutinën dhe të bësh hedhjet” tregon Chusovitina për Associated Press.
“Nuk kam asnjë dhimbje, asnjë problem, gjatë trajnimit”, tregon ajo.
Burimi: Today.com / https://shendeti.com.al/