Përshtati për gazetën “Shëndet+”: Blertina Koka
Një 10-vjeçare humbi jetën duke shpëtuar dy fëmijë të tjerë nga një aksident me makinë. Kiera Larsen u përplas nga një mjet i tipit Mercedes-Benz, i cili po merrte kthesën në një rrugicë në Kaliforni.
Ajo u shpëtoi jetën dy fqinjëve të saj, Adison dhe Emma, përkatësit 1 dhe 2 vjeçe, por nuk arriti t’i shpëtojë vetë këtij aksidenti.
Vajza u dërgua menjëherë në spital, por për shkak të dëmtimeve të rënda që kishte marrë në trup, nuk arriti të mbijetojë.
Prindërit e dy vajzave treguan se Keira ishte si motra e madhe e tyre dhe gjithmonë kujdesej për to. “Ajo i shpëtoi jetën dy vajzave të mia. Ajo është me të vërtetë një heroinë. Do të mbetet gjithmonë një engjëll mbrojtës për fëmijët e mi”, shprehet nëna e dy vajzave që Kiera shpëtoi, Alissa Jenkins.
“Një fëmijë vdiq në mënyrë heroike. Mendoni se si ajo e sakrifikoi veten për një fëmijë tjetër. Ne do të inspektojmë automjetin, të zbulojmë se përse kjo ndodhi, të shohim nëse bëhet fjalë për ndonjë problem në funksionimin e makinës”, shprehet oficeri i patrullës rrugore në Kaliforni, Kevin Pearlstein.
Burimi: Metro.co.uk / https://shendeti.com.al/
