Kryefaqja Lifestyle Ja cfarë duhet të hani për qarkullim më të mirë të gjakut

Ja cfarë duhet të hani për qarkullim më të mirë të gjakut

0
Shpërndaje

Gjaku është si autostradë e trupit tonë. Ai mbart lëndë ushqyese dhe oksigjen në gjithçka, nga zemra dhe truri tek muskujt dhe lëkura. Një dietë e shëndetshme është një mënyrë për të optimizuar qarkullimin e gjakut. Kombinuar me stërvitjen, hidratimin, menaxhimin e peshës dhe mos pirjen e duhanit, disa ushqime mund të ndihmojnë në përmirësimin e qarkullimit të gjakut.

Ja cilat

Spec i kuq: falë një përbërjeje të quajtur capsaicin, speci i kuq mund të ndihmojë arteriet të funksionojnë më mirë. Gjithashtu mund të ndihmojë në relaksimin e muskujve në enët e gjakut në mënyrë që gjaku të qarkullojë lehtësisht. Dhe kjo është pozitive për presionin e gjakut.

Panxhari: është i pasur me nitrate, të cilat trupi mund t’i shndërrojë në oksid nitrik. Oksidi nitrik ndihmon në lirimin natyral të enëve të gjakut dhe përmirësimin e rrjedhjes së gjakut. Hulumtuesit kanë gjetur se lëngu i panxharit mund të ulë presionin sistolik të gjakut.

Manaferrat: Ato janë të pasura me antioksidantë, përfshirë antocianinë (anthocyanin) që është veçanërisht i mirë për enët e gjakut. Ndihmon në mbrojtjen e mureve të arterieve nga dëmtimi. Plus, antocianina nxit lirimin e oksidit nitrik, i cili ndihmon në uljen e presionit të gjakut.

Peshku: Nëse gjithmonë keni pyetur veten pse peshku është i mirë për zemrën, ja një arsye. Peshku yndyror si salmoni, skumbri dhe trofta janë plot me acide yndyrore omega-3. Ushqimi i peshkut jo vetëm që ul presionin e gjakut; gjithashtu ndihmon në mbajtjen e arterieve të pastra dhe të pa bllokuara.

Shegë: Farat e vogla të kuqe me lëng brenda janë të mbushura me lëndë ushqyese, në veçanti antioksidantë dhe nitrate. Këto rrisin qarkullimin e gjakut dhe zgjerojnë enët e gjakut. Dhe për njerëzit aktivë, qarkullimi më i madh i gjakut sjell përmirësim të performancës.

Hudhër: Përmban një përbërës squfuri të quajtur allicin që ndihmon në relaksimin e enëve të gjakut. Studimet tregojnë se tek njerëzit që mbajnë një dietë të pasur me hudhër, gjaku qarkullon më me efikasitet. Kjo do të thotë që zemra nuk duhet të punojë aq shumë për të lëvizur gjak në të gjithë trupin, gjë që ndihmon në rregullimin e presionit të gjakut.

Arra: janë të pasura me acid alfa-linolenik, një lloj acidi yndyror omega-3, i cili mund të ndihmojë që gjaku të qarkullojë pa probleme. Një studim zbuloi se ngrënia e arrave rregullisht për 8 javë përmirësoi shëndetin e enëve të gjakut, ndihmoi enët e gjakut të qëndrojnë elastike dhe uli presionin e gjakut.

Spinaqi: Ushqimet e pasura me nitrate si spinaqi përmirësojnë qarkullimin e gjakut. Një studim zbuloi se një dietë e pasur me spinaq ndihmoi në mbajtjen e arterieve fleksibël dhe ndihmoi në uljen e presionit të gjakut.

Agrumet: Vitamina C nuk është arsyeja e vetme për t’i bërë agrumet pjesë të dietës tuaj. Antioksidantët që gjenden në fruta mund të ndihmojnë në zvogëlimin e inflamacionit, parandalimin e mpiksjes së gjakut dhe përmirësimin e qarkullimit të gjakut. Dhe nëse jeni tifoz i lëngut të portokallit, jeni me fat. Një studim zbuloi se pirja e rregullt e lëngut të portokallit ul presionin e gjakut.

Burimi: WebMD

LËR NJË MESAZH

Please enter your comment!
Please enter your name here