Përgatiti për www.shendeti.com.al: Elena Beta
Gjatë stinës së verës, kafet e ftohta, çajrat e ndryshme bimore apo edhe lëngjet e ndryshme të gazuara ose jo, konsumohen pothuajse nga të gjithë. Megjithatë, duhet të keni parasysh se pavarësisht shijes të mirë, lëngjet ndikojnë në shtimin e peshës së trupit por edhe nuk kënaqin plotësisht nevojat tona për lëngje, pasi duke qënë se janë të ëmbla, vetëm mund t’ju shtohet etja më shumë.
Natyrisht, gjatë verës trupi ka nevojë për sasi më të madhe lëngjesh për shkak të djersës që humb e cila mund të shkaktojë dhe dehidratim. Përveç ujit i cili rekomandohet të konsumohet në një sasi prej 6-8 gota çdo ditë, zgjedhje e mirë mund të jetë limoni i shtrydhur (por pa shtesa sheqeri) apo nëse dëshironi shije më të ëmbla, mund të shtrydhni fruta sipas dëshirës tuaj (mjedra, pjeshka, dardha, ananasi, pjeshka, kumbulla) dhe t’i shtoni akull.
Duhet të keni kujdes gjithashtu me cilësinë e ushqimeve që konsumoni dhe të evitoni ushqimet më përmbajtje veze pasi në veprim me temperaturat e larta mund t’ju shkaktojë ndonjë reaksion.
Burimi: healthyfood / shëndeti.com.al
