Përshtati në shqip për “shendeti.com.al”: D.Bardhi
Nëse doni të qëndroni të shëndetshëm dhe të merrni të gjitha vlerat ushqyese të ushqimeve që keni konsumuar, mos bëni këto veprime menjëherë pasi keni ngrënë bukë:
Mos pini duhan: disa studime kanë treguar se pirja e duhanit menjëherë pas buke rrit dëmin që shkakton duhani në organizëm deri në 5-fish më shumë.
Mos pini çaj: nuk është i vërtetë fakti se një çaj jeshil apo çaj limoni menjëherë pas vaktit do t’ju ndihmojë të tretet ushqimi më shpejt. Përkundrazi, nëse konsumoni çaj menjëherë pas vaktit, rritet aciditeti i stomakut dhe tretja e ushqimit bëhet më e ngadaltë.
Mos bëni aktivitet fizik: aktiviteti fizik duhet të fillojë rreth 1 orë pas konsumimit të vaktit. Kjo për arsyen se trupi ka nevojë për qetësi për ta përpunuar ushqimin dhe më pas për ta tretur.
Mos flini gjumë: gjumi direkt pas ushqimit shkakton probleme me tretjen dhe ushqimi do të akumulohet në dhjamë në trup.
Mos bëni dush: pas ushqimit, dushi ul qarkullimin e gjakut në zonën e barkut dhe proçesi i tretjes bëhet më i vështirë. Këshillohet të bëhet dush 1-2 orë pas konsumimit të ushqimit.
Burimi: My Healthy Life Guide
