Përgatiti për www.shendeti.com.al: Elena Beta
Lëngu i kastravecit është mjaft i preferuar, nga adhuruesit e lëngjeve bio, duke u klasifikuar si një nga lëngjet më natyrale dhe të shëndetshme. Kastravecat bëjnë të mundur rritjen e flokëve dhe forcimin e thonjve të dëmtuar.
Ato kanë sasi të lartë uji dhe vitaminash, si dhe janë shumë të preferuara në rast se vuani nga dehidratimi i organizmit.
Për shkak se kastraveci përmban elektrolite që i duhen trupit, të hash më shumë kastravec të ndihmon të hidratosh qelizat dhe të lehtësosh mbajtjen e ujit.
Antioksiduesit dhe vitamina C dhe A në kastravec e bëjnë atë një ushqim të shkëlqyeshëm për kurimin e psoriasit dhe problemeve të tjera të lëkurës. Vitaminat, karbohidratet dhe materiet ushqyese të shumta që gjenden në kastravec janë burim shumë i mirë natyral për të shtuar energjinë atëherë kur ndiheni të lodhur.
Pra, duke marr parasysh të gjitha këto dobi shëndetësore që kastraveci ofron, nuk do koment që të konsumosh kastravecin më shumë është më mirë për shëndetin. Kastraveci shkon shumë mirë me sallata dhe perime tjera dhe nuk duhet lënë anash. Një mënyrë e shijshme si të konsumohet kastraveci është të prihet në rrathë, grini qepë, pak kripë dhe piper si dhe salcë kosi. Për ju që jeni intolerant ndaj laktozëz, në vend të kosit hidhni vaj ulliri dhe uthull sezonal, në mënyrë që të përfitoni një sallatë që do shkojë me çfarëdo ushqimi.
Burimi: Healthyfood / shendeti.com.al
