Përshtati në shqip për gazetën “Shëndet+”: D.Bardhi
Karrotat janë përfshirë në grupin e perimeve më të shëndetshme në botë. Ato përmbajnë vitamnina esenciale dhe minerale që mundësojnë rënien në peshë, rritjen e energjisë, forcimin e sistemit imunitar, parandalimin e disa sëmundjeve dhe përmirësimin e shëndetit të përgjithshëm.
Karrota ka shumë përfitime:
Vitamina C: kjo vitaminë është e nevojshme për të mbajtur të fortë sistemin imunitar. Ajo ju mbron nga gripi, e ftohura dhe nga viruset e tjera. Përveç kësaj, vitamina C nxit shërimin më të shpejtë të plagëve në trup.
Kaliumi: karrotat janë një nga burimet më të mira të kaliumit, mineral ky mjaft i nevojshëm për uljen e nivelit të kolesterolit të keq, parandalon koagulimin e gjakut dhe stimulon prodhimin e proteinave.
Vitamina A: kjo vitaminë zvogëlon mundësinë e shfaqjes së sëmundjeve të zemrës dhe goditjeve në tru. Lëngu i karrotës është shumë i pasur me vitaminë A.
Karotenoidet: këto substanca janë agjentë anti-kancerogjenë. Ato ulin rrezikun e shfaqjes së kancerit të prostatës, zorrës së trashë, fshikëzës dhe kancerit të gjirit.
Mangan dhe magnez: shumë njerëz kanë mangësi të theksuar të këtyre mineraleve. Lëngu i karrotës është burimi i përkryer për ta.
Ju duhet të konsumoni një gotë lëng karrote çdo mëngjes. Përfitimet në shëndet do të jenë të shumta dhe do të ndiheni më energjik për ta përballuar pjesën tjetër të ditës.
Burimi: Health Digezt
