Përshtati për gazetën “Shëndet+”: Blertina Koka
Një eksperte e kujdesit ndaj lëkurës ka zbuluar se larja e fytyrës në dush mund ta dëmtojë lëkurën, pasi nuk mund të matet temperatura e ujit.
Sipas revistës HelloGiggles, lëkura e fytyrës tonë është shumë e ndjeshme dhe meqenëse nuk mund ta masim temperaturën e ujit, ai mund të shkaktojë probleme serioze në lëkurë.
Ekspertja e lëkurës Dr. Tanzi, tha për “The Gloss” se i këshillon pacientët e saj që ta lajnë fytyrën në lavaman. “Ju mund ta matni temperaturën në mënyrë më efikase,” shpjegon ajo, “dhe duhet të përdorni ujë të vakët në të ftohtë, pasi është më mirë për lëkurat delikate”.
Zakonisht ne bëjmë dush të nxehtë , por nëse e lajmë fytyrën me ujë të nxehtë, mund të shkaktojë probleme, duke e lënë lëkurën tonë të dehidratuar dhe të thatë. Gjithashtu, nëse vuani nga skuqja e fytyrës, uji i nxehtë vetëm do ta përkeqësojë atë, duke zgjeruar enët dhe kapilarët e gjakut, dhe mbushur kështu fytyrën me njolla.
Prandaj rekomandohet që ta lani fytyrën vetëm në lavaman duke përdorur ujë të vakët, kështu ju nuk do të dëmtoni lëkurën delikate.
Burimi: The Sun / https://shendeti.com.al/
