Mjekët këshillojnë kontrolle të vazhdueshme mjekësore çdo 6 muaj apo 1 vit në çfarëdo moshe të jeni. Pas kalimit të të 30-ave këto kontrolle mjekësore janë edhe më të domosdoshme për të mbajtur nën kontroll shëndetin e përgjithshëm, nëse keni kaluar të 30-at është mirë që të paktën 1 herë në vit të bëni këto kontrolle mjekësore për këto kushte shëndetësore:
Tension: edhe pse shëndeti kardiovaskular mund të jetë në gjendje të përsosur, nuk përjashtohet fakti për t’u prekur nga tensioni i lartë i gjakut. Sipas studimeve të fundit thuhet se tensioni i lartë mund të prekë edhe personat pas të 30-ave.
Nivelin e kolesterolit: të paktën 1 herë në vit duhet të kontrolloni nivelin e kolesterolit në gjak, sidomos në rastet kur keni një histori familjare me kolesterol të lartë dhe kur nuk ushqeheni shëndetshëm. Pas kalimit të të 30-ave metabolizmi ngadalësohet dhe është më e lehtë të akumulohen yndyrnat në gjak.
Nivelin e sheqerit në gjak: siç e përmendëm dhe më sipër pas kalimit të kësaj moshe metabolizmi ngadalësohet dhe pankreasi i cili sekreton insulinë mund të mos funksionojë siç duhet. Nëse keni histori familjare me nivel të lartë sheqeri apo diabeti mos i menjanoni kontrollet mjesësore pas kësaj moshe.
Tiroidet: 1 në 10 gra përjetojnë probleme me tiroiden gjatë gjithë jetës. Pas të 30-ave ju duhet të bëni kontrolle mjekësore për gjendrën tiroide të paktën 1 herë në vit.
Burimi: Health Digezt
