Jam 63 vjeç. Kam nja dy muaj që më kanë filluar dhimbjet që nga gjuri e deri poshtë. Gjuri i djathtë në anësore më kërcet dhe s’e palos dot, pasi kam dhimbje të forta. Kur ngrihem nga karrigia mezi e drejtoj. Pi ilaçe tensioni si të gjithë. Faleminderit për këshillën tuaj .
Përgjigjet për shendeti.com.al mjekja reumatologe Julia Kollçaku, Poliklinika e Specialiteteve nr.3, Tiranë
Prania e kërcitjeve të gjurit tregon që janë krepitacione të gjurit. Duhet patjetër vizitë te reumatolog për të bërë ekzaminimet e nevojshme. Sipas shenjave që përshkruan, pacientit mund t’i ketë filluar osteoartroza. Megjithatë theksoj se është shumë e rëndësishme konsulta me mjekun, pasi në distancë është e vështirë për të dhënë një diagnozë tepër të saktë. E këshilloj pacientin që të mos e lërë situatën pas dore, pasi sa më herët të kapet një problem, aq më shpejt mund të kurohet.
