Para tre javësh me është paraqitur marramendja. Më përpara nuk më ka ndodhur. Nuk kam as dhimbje, as gjë. Më ndodh vetëm kur ngrihem menjëherë, pasi jam shtrirë. Tensioni me del normal.
Përgjigjet mjekia ORL, Anjeza Kuçi
Pacientja jep shumë pak informacion për të dhënë një përgjigje të saktë. Gjithsesi, duhet pasur parasysh se, në varësi të moshës, sidomos në moshën e tretë, ndryshimi i tensionit në pozicionin shtrirë dhe ngritja e menjëhershme krijojnë hipotensionin ortostatik.
Një problem tjetër mund të jetë vertigo beninje e pozicionit që është një sëmundje e veshit të brendshëm dhe krijon marramendje që zgjat me sekonda kur lëvizim kokën dhe trupin në pozicion të caktuar në krevat, kur ngremë kokën sipër ose e ulim poshtë. Është e nevojshme një konsultë me mjekun ORL.