Jam një 40-vjeçare. Ka një vit që në mollëzat e faqeve po më paraqiten disa puçrra të vogla, të kuqe, të cilat nuk po më kruhen, por po më pengojnë shumë. Aty lëkura po bëhet si e djegur, e rrjepur. Çfarë të përdor?
Përgjigje nga mjekja Joana Millo
E dashur paciente!
Duke qenë se puçrrat nuk largohen vetë brenda një periudhe të shkurtër kohe, si për shembull, 1 javë dhe gjendja lokale përkeqësohet, unë do t’ju rekomandoja të konsultoheshit me mjekun dermatolog. Ai duhet t’i shohë patjetër me sy puçrrat dhe të japë gjykimin e tij. Në rastin më të largët, kur nuk ka përmirësim me barnat që do t’ju përshkruajë dermatologu, mbase do t’ju duhet të bëni një biopsi të tyre. Por, jam sigurt që kolegu dermatolog do t’ju japë sqarimet e duhura pasi të keni bërë vizitën.
