Keku me banane dhe çokollatë është një ëmbëlsirë fantastike. Sidomos për në mëngjes dhe sidomos përgjatë ditës kur vjen vërdallë nëpër shtëpi (a zyrë) dhe cimbit nga pak.
Ja çfarë përbërësish duhen:
- 1-1/4 filxhan me miell
- 1/4 pluhur kakaoje (jo i ëmbël)
- 1 lugë e vogël sodë
- 1 lugë e vogël kripë
- gjysmë filxhani gjalp pa kripë në temperaturën e dhomës
- 1 filxhan sheqer
- 2 vezë
- 1 filxhan me banane të shtypura (2-3 banane të pjekura shumë)
- 1/2 filxhan salcë kosi (krem kosi, pa kripë)
- 1 lugë e vogël vanilje
- 1/2 filxhan copa çokollate jo shumë të ëmbla
Përgatitja
Nxeheni paraprakisht sobën me 180 gradë. Lyejeni një tepsi të thellë me gjalp
Në një tas të mesëm përzieni miellin, kakaon, pluhurin pjekës dhe kripën. Përziejini dhe lëreni mënjanë.
Në një tas të madh rrihni gjalpin dhe qumështin për disa minuta derisa të bëhet një masë e shkrifët. Shtoni vezët një nga një duke vazhduar rrahjen. Më pas shtoni në të masën me miell dhe kakao dhe vazhdoni rrahjen derisa të përfitoni një masë të njëtrajtshme.
Në fund shtoni copat e çokollatës, por mos e teproni me përzierjen.
Hidhni brumin në tepsi dhe përhapeni me një spatul. Piqeni derisa po ta shponi me pirun, në të do të ketë shumë pak pjesë të ngjitura, pra rreth 1 orë e 10 minuta. Lëreni më pas brenda në sobë për 10 minuta. Pastaj nxirreni jashtë që të ftohet.
Kini parasysh!
Është mirë që bananet të jenë shumë të pjekura.
Gjithashtu, kakaoja duhet të jetë natyrale dhe jo e përpunuar. Kakaoja e përpunuar nuk e lë kekun të fryhet.
