Përshtati për gazetën “Shëndet+”: Blertina Koka
Këngëtarja e njohur Joey Feek ka ndërruar jetë në moshën 40-vjeçare pas një beteje të gjatë me kancerin në mitër.
“Ëndrra më e madhe e bashkëshortes sime sot u bë realitet,” shkroi bashkëshorti i saj dhe partner në muzikë, Rory Feek, në një postim në blogun e tyre.
“Ajo është në Parajsë. Kanceri u zhduk. Dhimbja ka ndaluar dhe të gjithë lotët e saj janë tharë”.
Joey u diagnostifikua me kancer në maj të vitit 2014, gati tre muaj pasi lindi vajzën e parë, Indiana. Ajo iu nënshtrua disa operacioneve, por pa sukses. Tetorin e kaluar, këngëtarja vendosi të ndalojë trajtimin dhe të kthehet në shtëpi për të qëndruar me familjen.
Në një intervistë të dhënë në nëntor të vitit 2015, Joey tha se nuk kishte frikë nga vdekja. “Nuk kam frikë nga asgjë, pasi jam shumë afër Zotit. E di që Ai më do. Jam me të vërtetë në paqe. Besoj akoma tek lutjet për t’u shëruar”.
Burimi: Today.com / https://shendeti.com.al/
