Për shendeti.com.al, mjekja gjinekologe Jonida Reveli
Këshillat që jepen për parandalimin e mykozave vaginale janë:
- Kujdesi për higjienën intime.
- Pas kryerjes së nevojave personale, këshillohet fshirja me drejtim nga para-mbrapa për të evituar shpërndarjen e mykut nga anusi drejt vaginës apo rrugëve urinare.
- Përdorimi i të brendshmeve të pambukta higjienike.
Evitimi i rrobave të ngushta sidomos pantallonave.- Ndërrimi i kostumit të banjës menjëherë, sepse mbajtja e gjatë e kostumit të lagur shton temperaturën dhe lagështirën në zonën gjenitale, duke prirur zhvillimin e mykut.
- Ndërrimi i shpeshtë i pecetave higjienike apo tamponeve.
- Mospërdorimi i sprajeve, parfumeve apo deodoranteve në zonën gjenitale.
Mjeku juaj obstetër-gjinekolog mund të vendosë diagnozën e mykozës vaginale tek ju nëpërmjet:
- Simptomave të përshkruara nga ju, ndërthurur me një vizitë të thjeshtë gjinekologjike.
- Strisho e thjeshtë vaginale
- Kulturë e sekrecioneve vaginale
- Analiza gjaku e thjeshtë apo analizat biokomike, si dhe analizë urine.
