Shkencëtarët kanë vite që kërkojnë “sekretin” që do t’i ndihmojë njerëzit të heqin qafe peshën e tepërt dhe të stabilizojnë peshën e tyre. Dihet që kufizimi i kalorive dhe ushtrimet janë zgjidhja e problemit.
Megjithatë, ekzistojnë edhe disa ushqime që, sipas studimeve, mund të ulin oreksin dhe kështu të kontribuojnë në humbjen e peshës.
1.Mollët
Mollët janë një zgjidhje ideale për një meze të lehtë, ndërkohë që zvogëlojnë edhe ndjenjën e urisë, pasi përmbajnë pektinë, e cila ndihmon në stabilizimin e niveleve të glukozës në gjak.
- Kumbullat e thata
Ngrënia e kumbullave të thata vepron si një shujtës i urisë. Kjo ndodh sepse fibra dhe sorbitoli në kumbulla të thata stabilizojnë glukozën në gjak dhe zvogëlojnë urinë, ndërkohë që kënaqin edhe dëshirën për shije të ëmbla.
- Çokollata e zezë
Sipas hulumtimeve, ngrënia e një sasie të vogël çokollate të zezë zvogëlon urinë. Komponimet në çokollatë të zezë ngadalësojnë tretjen dhe na bëjnë të ndihemi të ngopur për një periudhë më të gjatë kohore.
