Përgatiti për gazetën “Shëndet+”: Elena Beta
Ju mund të pretendoni se disa ushqime pengojnë shëndetin tuaj të përgjithshëm. Por në realitet, asgjë nuk duhet të shmanget plotësisht. Në fakt, ekspertët thonë se disa ushqime që ne jemi mësuar të shmangim në të vërtetë janë të mira për shëndetin. Këtu janë disa ushqime që ekspertët thonë se japin përfitime të habitshme shëndetësore.
Djathi: “Përveçse është i lartë në kalcium dhe është elementar për shëndetin e kockave dhe sistemin imunitar, djathi është gjithashtu i mirë për shëndetin e dhëmbëve”, thotë Franci Cohen, dietolog i certifikuar. Djathi ju ndihmon të pastroni gojën nga ushqimi, duke vepruar si një “furçë dhëmbësh “, thotë Cohen.
Kafja: ka shumë përfitime shëndetësore. Ajo jo vetëm që zvogëlon rrezikun për t’u prekur nga sëmundja e parkinsonit dhe diabeti tip 2, por edhe përshpejton funksionin e trurit dhe përmirëson humorin, kujtesën, dhe nivelin e energjisë, thotë Cohen. Ajo gjithashtu mund të rrisë metabolizmin dhe vigjilencën, thotë dietologia Edwina Clark.
Çokollata e zezë: Çokollatat mund të jenë të larta në yndyrë dhe kalori, por çokollata e errët me një përqindje të lartë të kakaos (në mënyrë ideale 85 për qind) e konsumuar në moderim mund të ulë nivelet e kortizolit, hormon përgjegjës për stresin.
Gjalp kikiriku: “Disa lloje të gjalpit të kikirikut mund të kenë sasi të tepërt të sheqernave”, thotë dietologia Lara Felton. Por kur zgjidhni një version të natyrshëm në të cilën përbërësit janë kikirikë dhe kripë, ky gjalpë mund të jetë një burim i mirë i proteinave dhe yndyrnave të shëndetshme.
