Përgatiti për gazetën “Shëndet+”: Elena Beta
Disa njerëz janë të bekuar për të pasur lëkurë të pastër e pa akne. Të tjerë, duhet të jetë rregullisht nën vëzhgimin e dermatologëve për të mirëmbajtur shëndetin e mirë të lëkurës së fytyrës. Shpesh nuk është nevoja për shpenzime të shumta për kremra e produkte estetike, të cilat stimulojnë eliminimin e akneve kur keni ushqimet e duhura në frigorifer. Ja disa sugjerime lidhur me ushqimet që eleminojnë aknet për një kohë të shkurtër.
Avokado: sipas nutrionistit, Rachelle Wood, avokado përmban shumë vitaminë E, e cila mund të rrisë vitalitetin lëkurës. Avokado është e mbushur edhe me vitaminë C e cila luan një rol të rëndësishëm në shëndetin e lëkurës.
Brokoli: rekomandohet të konsumohet nga personat që duan të luftojnë aknet e fytyrës, provoni të rrisni sasinë e brokolit në dietën tuaj. Vitaminat që gjenden në brokol, duke përfshirë A, B kompleks, C, E, dhe K, janë antioksidantë dhe i japin shkëlqim lëkurës tuaj, tha Wood.
Fiq: përmbajnë magnez, i cili është thelbësor për të balancuar hormonet që shkaktojnë aknet e fytyrës.
Bukë me fara: Një studim i publikuar në revistën Amerikane të të ushqyerit, sugjeron për njerëzit që kanë akne në fytyrë të konsumojnë bukë integrale.
Salmon: është i mirë për trupin tonë sepse përmban yndyrna të shëndetshme,omega-3, si dhe acide yndyrore. Sipas ekspertëve, salmoni ju ndihmon të kujdeseni për lëkurën dhe të zbusni inflamacionin.
Midhje: studimet kanë treguar se zinku është një minerali fuqishëm për të reduktuar efektet e akneve në fytyre. Mënyra më e mirë për të marrë zink është nëpërmjet ushqimit. Midhjet janë burim i shkëlqyer i zinkut. Ushqime të tjera të mbushura me zink janë rosto viçi, kungull i pjekur dhe fara kungulli.
Vitamina C: vitaminën c mund ta merrni nga limona, portokaj, domate, pjepër. Kjo vitaminë është tepër e rëndësishme për të luftuar problemet me aknet.
Burimi: http://www.bustle.com/
shëndeti.com.al
