Përgatiti për “Shëndet+”: Elena Beta
Teknikat e relaksimit, të tilla si meditimi, joga, dhe lutja, mund të zvogëlojnë nevojën për shërbime të kujdesit shëndetësor me 43 %, sipas një studimi në Harvard.
Studimet e mëparshme kanë treguar se relaksimi, jo vetëm që heq stresin dhe ankthin, por edhe ndikon në faktorët fiziologjike të tilla si: tensioni i gjakut, rrahjete zemrës, dhe konsumimi i oksigjenit.
Autorët e studimit vunë në dukje se sëmundjet si stresi, ankthi dhe depresioni, janë nga shkaqet më të mëdha të shpenzimeve shëndetësore në Shtetet e Bashkuara pas sëmundjeve të zemrës dhe kancerit.
Studimi, i realizuar në Institutin MGH për Vlerësimin e Teknologjisë dhe Institutin Benson-Henry që trajton marrëdhënien mendje – trup, gjeti se individët pjesëmarrës në programet e relaksimit, përdorin më pak shërbime shëndetësore në vit.
James E. Stahl i Institutit MGH për vlerësimin e teknologjisë, i cili udhëhoqi studimin, tha se “Këto programe nxisin mirëqënien e trupit, në mjedisin e burimeve të kufizuara të kujdesit shëndetësor, potencialisht ato mund të lehtësojnë barrën mbi sistemet tona të ofrimit shëndetësor me kosto minimale dhe pa asnjë rrezik.”
Burimi: http://news.harvard.edu/
