Përshtati në shqip: Blertina Koka
Efekte anësore
Nuk ka mjaftueshëm informacione nëse ftoi është i mirë për përdorime mjekësore. Farat e tij përmbajnë cianidë, prandaj nuk duhen konsumuar në formën e tyre fillestare.
Masa paraprake
Gratë shtatzëna dhe ato që ushqejnë foshnjën me gji: Nuk dihet shumë në lidhje me përdorimin e ftoit gjatë shtatzënisë ose kur ushqen foshnjën me gji. Qëndroni në anën e sigurt dhe shmangni përdorimin e tij.
Kundërveprime
Ilaçet orale kundërveprojnë me ftoin
Ftoi përmban një lloj fibre e quajtur mucilage, e cila mund të ngadalësojë procesin e absorbimit të ilaçeve në trup. Duke marrë ftua në të njëjtën kohë me ilaçet nga goja mund të ulet efikasiteti i këtyre të fundit. Për të parandaluar këtë kundërveprim, konsumoni ftua të paktën 1 orë pasi të keni pirë ilaçin.
Doza
Doza e saktë e ftoit varet nga disa faktorë, si mosha e përdoruesit, gjendja shëndetësore etj. Për momentin nuk ja mjaftueshëm të dhëna shkencore për të përcaktuar një dozë të saktë që mund të përdoret. Duhet të mos harroni që produktet natyrale jo domosdoshmërish janë të sigurta dhe mund të konsumohen në çfarëdolloj doze. Sigurohuni të lexoni etiketat e produkteve dhe konsultohuni me mjekun ose farmacistin nëse blini shtesa apo ekstrakte të ftoit.
Burimi: WebMD/ Shendeti.com.al
