Ndikimi i dozave mujore të vitaminës D3 (60,000 IU në muaj për 5 vjet) në vdekshmërinë tek njerëzit e moshuar u analizua në nje studim provë të rastësishme, dyfish të verbër, të kontrolluar nga placebo.
Suplementet e vitaminës D nuk u shoqëruan me një ndryshim në rrezikun e vdekshmërisë nga të gjitha shkaqet, sëmundjet kardiovaskulare ose nga kanceri. Subjektet që merrnin suplemente të vitaminës D kishin një rrezik më të lartë të vdekshmërisë nga kanceri sesa grupi placebo kur u përjashtuan 2 vitet e para të ndjekjes.
Administrimi mujor i vitaminës D3 tek të rriturit e pashqyrtuar nuk uli vdekshmërinë nga të gjitha shkaqet. Disa dëshmi të rritjes së vdekshmërisë nga kanceri u shoqëruan me përdorimin e vitaminës D.
Studimet e bëra këto 2-3 vitet e fundit kanë paraqitur argumente që dozat ditore prej ≥4000 IU të vitaminës D përcjellin disa rreziqe të tjera përveç hiperkalcemisë së thjeshtë ose hiperkalciurisë. Doza të tilla ose ekuivalenti i përqendrimeve të 25OHD në serum mbi 112 nmol/l ose 45 ng/ml nuk sjellin përfitime, por mund të jenë të dëmshme për disa njerëz (për shembull, në shkaktimin e humbjes së densitetit tye masës kockore ose rritjen e rrezikut të rrëzimit). E njëjta gjë është e vërtetë për dozat e shpeshta të vitaminës D në doza të larta. Për fat të keq, rreth 3% e popullsisë së SHBA-së, e ekzaminuar nga NHANES, përdor suplemente të tilla me dozë të lartë të vitaminës D. /Diabetes Care
