Përshtati në shqip për “Shendeti.com.al”: Fize Smailaj
Ngjarja ka ndodhur në Shtetet e Bashkuara të Amerikës, ku një grua njoftoi bashkëshortin e saj duke i thënë se duhej të shkonte në spital pasi kishte dhimbje të mëdha dhe mendonte se me shume shanse ajo vuante nga gurët në veshka, por që rezultoi diçka komplet tjetër dhe e papritur, gruaja ishte shtatzënë dhe për më tepër në prag lindjeje. Kur Stephanie Jaegers telefonoi bashkëshortin e saj Michael, ajo shpresoi se kur të shkonte në spital mjekët do të kuronin “gurët që ajo kishte në veshka”, por në fakt mjekët bënë një eko dhe i thanë se ajo ishte në muajin e nëntë të një shtatzënie të shëndetshme.
Stephanie shprehet se lajmi erdhi komplet i papritur, dhe se ajo e besoi vetëm kur dëgjoi rrahjet e zemrës së fëmijës. Stephani, nënë e katër fëmijëve tashmë, tha se ajo nuk kishte pasur asnjë shenjë shtatzënie para se të kishte dhimbjet, madje ajo thekson edhe faktin se gjatë 9 muajve të fundit ajo kishte pasur një cikël menstrual mjaft të rregullt. Ajo gjithashtu ndodhej edhe në fazën para menopauzës dhe gjëja e fundit që ajo priste ishte një shtatzëni. Pavarësisht të gjithave, ajo solli në jetë një djalë të shëndetshëm që peshon 3 kg dhe 200 gr, të quajtur Shaun. Çifti i njoftoi të gjithë për surprizën e këndshme nëpërmjet një postimi në rrjetin social Facebook.
Burimi: New York Post / https://shendeti.com.al/
