Blerina Bombaj, dietologe
Në përgjithësi, kur konsumi i frutave dhe zarzavateve rritet, sëmundjet pakësohen. Tani vjen stina e luleshtrydheve, një frut i cili për nga përbërja që ka, vlen për të gjithe ata që mund të kenë probleme me:
-zemrën: konsumi i rregullt i frutave me përmbajtje të lartë në anthokianina ul rrezikun e atakut kardiak me 32%
-artritin: në sajë të përmbajtjes së lartë në “quercitine”, ato përbëjnë një anti-inflamator natyral
-sëmundje tumorale: luleshtrydhet përmbajnë antioksidues që neutralizojnë agjentët kancerogjenë dhe ulin inflamacionin
-hipertensionin: përmbajtja e lartë në elektrolitin kalium i bën luleshtrydhet zgjedhje të shkëlqyer për ata që vuajne nga tensioni i lartë
-kapsllëkun: në sajë të fibrave dhe ujit që përmbajnë, ndihmojnë zbutjen e feçeve
-diabetin: në sajë të indeksit glicemik të ulët, luleshtrydhet mund të shijohen pa merak nga personat që vuajnë nga diabeti, duke u përfshirë në menunë e tyre brenda nevojave të përcaktuara në karbohidrate
-depresioni: përmbajtja e kënaqshme në acid folik i bën luleshtrydhet zgjedhje të shëndetshme edhe për biokiminë e trurit tonë!
-kolesterolin: konsumi i përditshëm i luleshtrydheve ju ndihmon të kontrolloni më mirë nivelin e yndyrnave në gjak!
Kujdes: kërkoni luleshtrydhe të stinës, të vendit dhe të rritura pa kimikate. Kjo vërehet nga madhësia e tyre dhe ngjyra!
