Përshtati në shqip për “Shendeti.com.al”: Blertina Koka
Provoni këto maska të krijuara në kushte shtëpie për t’i bërë flokët sa më të buta dhe me volum (pa pasur nevojë që të shpenzoni shumë para nëpër sallone bukurie).
Vaji i ullirit
Vaji i ullirit përmban vitaminë E dhe yndyra të shëndetshme që forcojnë rrënjët e flokëve dhe ndihmojnë në rritjen e tyre.
Si ta përdorni:
- Merrni pak vaj ulliri dhe e ngrohni shumë pak.
- Masazhoni me të flokët dhe skalpin, dhe mbajeni për rreth 45 minuta.
- I shpëlani njëherë flokët me ujë të vakët, më pas i lani si zakonisht me shampo.
- Përsëriteni këtë trajtim dy herë në ditë.
Vezët
Vezët janë të pasura me proteina që forcojnë rrënjët e flokëve, parandalojnë rënien e tyre dhe çojnë në rritjen e tyre.
Si t’i përdorni:
- Përzieni bashkë të verdhën e një veze me 2-3 lugë gjelle vaj mustarde.
- Aplikojeni përzierjen në skalp dhe mbajeni për gati gjysmë ore.
- Në fund i lani flokët si zakonisht.
- Përsëriteni këtë trajtim dy herë në javë.
Vaji i kastorit
Vaji i Kastorit është i pasur me vitaminë E dhe acide yndyrore që parandalojnë rënien e flokëve dhe ndihmojnë në rritjen e tyre.
Si ta përdorni:
- Merrni në sasi të njëjtë vaj kastori dhe vaj kokosi, dhe i ngrohni shumë pak.
- Aplikojeni përzierjen në flokë dhe skalp, dhe masazhojeni me kujdes.
- Mbështilleni kokën me një peshqir dhe mbajeni për rreth 1 orë.
- Pas një ore i shpëlani fillimisht flokët me ujë të vakët, më pas i lani me shampo si zakonisht.
- Përsëriteni këtë trajtim njëherë në javë.
Burimi: Cosmopolitan / https://shendeti.com.al/
