Kjo maskë e bërë vetë është shumë efikase dhe ideale për të gjithë tipet e flokëve. Përzieni qumësht, një gotë kos dhe një lugë mjaltë derisa të përftohet një përbërje kompakte, e tillë që të mos rrëshqasë prej flokëve. Lyeni flokët me maskën e përgatitur, duke u kujdesur që ta shpërhapni në mënyrë të njëtrajtshme në gjithë gjatësinë e tij. Masazhojeni lëkurën e kokës për disa minuta dhe më pas mbështillini flokët me një qese plastike. Lëreni maskën të veprojë për së paku një orë. Ka njerëz që e lënë për më shumë orë, deri në një natë të tërë. Flokët fitojnë shkëlqim dhe nuk ndoten shpejt.
Ka edhe një zgjidhje të thjeshtë: Hidh disa ml qumësht në shampon tënde të zakonshme. Efekti do të jetë pak a shumë i ngjashëm.
