nga Daniela Burnazi
Mavijosjet ndodhin kur enët e gjakut shpërthejnë dhe rrjedhin gjak nën sipërfaqen e lëkurës. Zakonisht ndodhin për shkak të dëmtimit të muskujve dhe indeve lidhëse. Gjaku i bashkuar formon një njollë vjollcë të errët në lëkurë dhe zbehet gradualisht kur gjaku i mbledhur përthithet në trup.
Plagët e vogla nuk kërkojnë trajtim. Në rast goditje përdorni metodën klasike të Rajsit: pushim, akull, kompresim (mbështjellja e zonës së dëmtuar) dhe ngritje (ngritja e zonës së dëmtuar në një nivel mbi zemrën).
Disa njerëz mavijosen më shpejt se të tjerët, ja disa nga arsyet kryesore:
Mosha: me rritjen e moshes lëkura dhe enët e gjakut bëhen më të brishta, lëkura humbet kolagjenin dhe elastinën dhe jeni më të predispozuar për t’u mavijosur shpejt.
Po merrni hollues ose qetësues për enët e gjakut: marrja e warfarinës së holluar në gjak dhe përdorimi i barnave anti-inflamatore josteroide si aspirina dhe ibuprofeni mund të çojnë në mavijosje më të shpejtë, veçanërisht tek personat që i përdorin shpesh këto medikamente.
Jeni duke përdorur steroid: mavijosjet mund të ndodhin më lehtë tek personat që marrin kortikosteroide, medikamente për astmë, ekzemë ose artrit reumatoid.
Numri i trombociteve në gjak është i ulët: nëse mavijosjet ju ndodhin shpesh dhe ju shfaqen pa arsye do të thotë që keni çrregullim të trombociteve.
Keni probleme me mëlçinë: zakonisht personat që vuajnë nga sëmundjet e mëlçisë kanë numër më të ulët të trombociteve që qarkullojnë në gjak dhe ju nevojiten për mpiksjen e gjakut, kjo gjë mund të shkaktojë mavijosje të shpeshtë.
Burimi: HEALTH
